«Аліварыя» прэзентавала ChapskyDay, які пройдзе у Менску 15-га жніўня.

Учора для прэссы презентавалі “Трамвай Чапскага”, які 15-га жніўня будзе цэлы дзень ездзіць па маршруту нумар 10 у Менску. Гэты трамвай будзе даступны для ўсіх ахвочых. На любым прыпынку чалавек зможа зайсці і паглядзець старыя фатаграфіі, а таксама паслушаць аудыагід пра знакамітага беларускага мэра. Праграма святкавання ў гэтым годзе вельмі сціплая. Акрамя трамвая плануюцца толькі экскурсіі ў музей бровара, а таксама святкванне у барах.

Таму галоўнай мэтай прэзентацыі было паслухаць ідэі, якія есць у журналістаў, і паспрабаваць рэалізаваць іх ў наступным годзе. А ідэй, насамрэч, было вельмі шмат. Ад сувенірных цішотак, да паўнамаштабнага піўнога опэнэйра у сядзібе Станькава (сядзібе ў якой і жыў Чапскі). Ня гледзячы на тое, што прадстаўнікі Аліварыi казалі пра адсутнасць досведа арганізацыі такіх буйных святаў, мне асабіста здаецца, што той жа Грынфэст, які прайшоў у гэтым годзе - гэта амаль тое, што патрэбна ў плане досведа. Да таго ж досвед есць і ў партнераў па групе Карлсберг. На прошлым тыдні у Маскве прайшоў грандыозны DAS FEST пры падтрымцы Балтыкі. І мне здаецца, спецыялісты з Балтыкі з радасцю падзеляца з Аліварыяй сваім досведам.